1. Thawmhnawa thisen kai hi chi (salt) tuiah chiah ila a fai awlsam bik.
2. Thawmhnawa aieng emaw oil emaw kai hi toothpaste-a chiahin darkar 2 hnu velah tleuh fai mai tur.
_*3. Hmanruaa tuiek* awm hi sertuia chiah hnuah, ni saah pho ila a tuiek a reh vek thei._
_*4. Istiri* hmanga puan nawhna ah tui kan telh duh a nih chuan tuivawt aiin tuilum a tha._
_*5. Thing (furniture)* a rawng kai hi vinegar tuilum hmanga chiahin a hruk fai theih._
_*6. Thing (furniture)* a pentui kai erawh chu chi leh sertuia chiahin a nawhfai theih._
_*7. Thirbel* hi tel leih hmain minute 1 vel chhuang sa phawt ila chawhmeh bet tur a veng thei._
_*8. Alu* hi tuiah chiah hmasa ila a kawr vel a awlsam bik._
_*9. Alu chips* siam dawnin telah soda tlem telh ila a ram duh bawk._
_*10. Thlai hnaha* rannung kai hi silfai mai theih anih loh chuan silna tuiah vinegar tlem telh la an tla vek mai ang._
_*11. Tel leh khawnvatui* hi thil inhal a ni a, i kutah emaw kha khawnvartui kaiin a rim nam ta rum rum reng se, tel han chulh la, han nuai nawk nawk la, sahbawnin han sil leh teh, a reh duak mai ang. Chutiangin tel kai, thang deuh tlat pawh hi khawnvartui hian han chiah ila, a zia duh khawp a nia._
_*12. Thawmhnaw* a mombati lo far hi a ro tawh hnu hi chuan han kheuh ila a tla fai tha duhlo thin hle! I thawmhnaw, mombati far nalai kha han pharh mar la, a chungah khan lehkha thianghlim phah la, Istiri in nawt rawh. Istiri sa chuan bati farna lai chu ti tui in, chu tui chu lehkha chuan alo hip ro leh vek mai ang._
_*13. Thingthupui* emaw, chawhmeh rimna chi thil dang hmeh hi chuan chaw eikham hnu hian Kurtai hi han bar zauh ila, a rim zualpui hi a ti reh ve a nia._
_Chutiangin *Purunsen* pawh hi ei chuan ka ah a rim a cham rei hle thin, mahse Sawhthing hi han ei ila, a rim hi zu han that hloh thei a. Ramchhuah ilo a chawhmeh a Purunsen pai chuan Sawhthing keng tel thin rawh._
_*Sakawr ekhrik* ah Tuibur a tha hle._
_*Khawihli-ah* Theite hnah, Vaihlo hnah a hring hem vuai belin a hnai a hipchhuk vek mai._
_*1. Nau nei turten* kan hriat a tan a tha chu, Sakuh a sa, a awm loh pawn a pumpui a ek eiin nau neih a awlsamin nau chunga thihna a chhan thei, nau vei chhung a rei lo bawk._
_*2. Ramvachal* tan sahnu i chhui a nih chuan i sa hnu chhui laiah khan sazaw zang han vit bur la, i sa chhui lai chu a kal tawpnaah a ding mai ang._
_*3. Ramhnuai* kala i insat palh a nih chuan mau nâ kha a ziahin ziat thla la, i hliamah khan bel rawh, thi chhuak a tawp ve hlauh nia._
_*Ramhmul/mizo damdawi* hi taksa hian a lo ngeih ber mai a lo ni, chemical tel lo fir hlak a nih vang te a nia nge!_
_*Tlem kan sawi leh teh ang:*_
_*1. Pile (Tai)* tha lo ah hian capur chhuan tui a thut te, kangthai tui chhum thut te leh sekhupthur ei te a tha em em vek mai a ni._
_*2. Ringworm-ah* hian tam tak chuan Acid hnawih a dampui an awm a, kei chuan Neempata (chi hnih a awm a hmul leh hmul lo) a hmul chi zawk hnah tui ka ngeih khawp. Vawi 2/3 hnawihah a dam hmak._
_*3. Mîtliam-ah* chakai, tumbu, thakpui zung pawlh a densawm tui a tha._
_*4. Taksa kut/ke* a hling lut kher chhuah mai harsa chu chawng pil belin a hip chhuak ve mai bawk._
_*5. Tha chak lo,* hmai chuar leh tar chak lo tan sawhthing um tui regular taka in a tha hle!_
A siam dan :
Sawhthing kg 1/2 silfai a, zai lep emaw den sawn tur. Chu chu bel emaw rawng nei chia dah tur. Sawhthing kg 1 ah chini kg chanve phul/telh tur. Chumi hnuah zu up ang a khhuang tuam tur, phui takin zanthum hnuah tui leih tur. Zan hnih/khat up hnuah bottle-ah a tui zawng kha lak chhuah a, a tak kha paih mai lovin a hmaa tih angin chini telh a up that Leh tur. Vaw 2/3 a tih nawn theih. Bottle-a tui dahna khi plastic chi hman tur, darthlalang/palang ang chi a dah chu a puak keh thei tih hriat tur._
Hei hi regular takin ei teh, thla khat chhung pawn a result ah i hlim ngei ang. Thalai tan phei2 chuan a tha zual.
C/p
Comments
Post a Comment