Hmeichhe tâi fêk, âwm lian, mawngbawr nei țha takte tluka mipa mit titlaitu a awm thei ang em? Sakhmêlin 'puak' ti lo deuh mahse pumruaah a rêkna lai tur a rêk nghat a, a vâwngna lai tur a vâwng nalh a, pumrua dik taka a thlik thlawk miau chuan zawlaidi hran a ngai tawh lo: Hawilopari hi i ni ringawt dawn.
Khai le! a rei e, luh chilh nghal vat teh ang:
Nula ni ve si, thau luar a, dul vun chhah tup i ni em?
Lungngai suh.
Bottle 4/5 velah chini varak fian thum (3) țheuh thun rawh le.
Sêr hnah lo la, chini i thunna bottle-ah khan hnah 9 țheuh thun rawh.
Bottle-ah chuan tui thah han thun khat ap la, ni sâ-ah ni 9 pho phawt mai rawh le.
I damdawi siam chu a zo ta a, i in dawn apiangin a bottle thing țhin ang che. Zîngah pava chanve, zânah pava chanvê, ni khatah vawi hnih in rawh. Regular takin aw.
Hetianga thla hnih vêl i in hnuah chuan i tâi a lo fêk ang a, i âwm a lo lian ang a, i dula thau (fat) a lo tla hniam ang a, i tisa pawh a lo êng sar mai ang.
Tin, hetianga regular taka i in chuan thin (liver) thau bawh, lung thisen dâwt thauin a hnawh te pawh a lo dam tial tial mai ang.
I damdawi a chak lehzual i duh chuan thla tin, thla de ni khatah sêr hnah thum zel hel ei bawk ang che.
- Ramhmul damdawi
✍️ Lalthanmawia
Comments
Post a Comment